- Inicio
- Prepararse
- Ampolas e pés
Ampolas e pés
Non abandona case ninguén polas costas. Abandónase polos pés, e as ampolas fanse o primeiro día por cousas que se arranxan en dous minutos.
- As botas estréanse na casa, non en Roncesvalles. Cen quilómetros antes de saír, como pouco.
- Medio número máis do que calzas na cidade: o pé inchase andando e na baixada o dedo bate na punteira.
- O calcetín sen costuras e sen algodón. O algodón mólla, queda mollado e lixa.
- En canto notes un punto quente, para. Aí aínda non hai ampola e chega cun apósito. Dez minutos despois xa a hai.
- Se xa está feita: fío e agulla pasados por alcol, atravésase, déixase o fío dentro para que drene e tápase. Non se corta a pel de enriba, que é a que protexe.
- No botiquín, pouco e bo: apósitos de ampola, esparadrapo de tea, gasas, ibuprofeno, antiséptico e unhas tesoiras pequenas. O demais mércase na farmacia da vila.